نیب دفتر دے باہر ہنگامہ : وزیر اعلیٰ پنجاب نے واقعہ دا نوٹس لے لیا

لہور ( بھلیکھا ٹی وی ) وزیر اعلیٰ عثمان بزدار نے نیب دفتر دے باہر ہنگامہ آرائی دا فوری نوٹس لے لیا ، چیف سیکرٹری پنجاب تے انسپکٹر جنرل پولیس توں رپورٹ منگ لئی ۔وزیر اعلیٰ پنجاب عثمان بزدار نے نیب دے دفتر باہرہنگامہ آرائی دے ذمہ داراں دے خلاف مکمل قانونی کارروائی دا حکم دیندیاں ہوئیاں آکھیا کہ کسی نوں وی قانون ہتھ وچ لین دی اجازت نہیں دتی جا سکدی ۔ قانون ہتھ وچ لین والیاں دے خلاف قانونی کارروائی کیتی جائے گی ۔عثمان بزدار نے آکھیا کہ ہنگامہ کرن والیاں دے خلاف قانون حرکت وچ آئے گا ۔