بی آر ٹی منصوبے دی افتتاحی تریخ ساہمنے آ گئی ، وزیر اعظم 13اگست نوں افتتاح کرن گے

پشاور ( بھلیکھا ٹی وی ) تحریک انصاف حکومت دے پشاور وچ بی آر ٹی منصوبے دی افتتاحی تریخ بالاخر ساہمنے آگئی ، وزیر اعظم عمران خان 13اگست نوں بی آر ٹی دا افتتاح کرن گے
وزیر اعلیٰ خیبر پختونخوا محمد خان وی وزیر اعظم عمران خان دے نال ہوون گے ، وزیر اعظم نوں بی آر ٹی دے بارے بریفنگ دتی جائے گی ، بی آر ٹی منصوبے دا آغاز اکتوبر 2017ء نوں ہونا سی ، منصوبے وچ 31اسٹیشن بنائے گئے نیں ،8انڈر پاسز نیں جنہاں دی کل لمبائی3کلو میٹر اے۔بی آر ٹی وچ13کلومیٹر دے اوور ہیڈ نیں جس وچ 9اسٹیشن اووہیڈ بنائے گئے نیں ، منصونے دی مجموعی لمبائی65کلومیٹر اے۔