کورونا وائرس نال عالمی شہر ت یافتہ شاعر راحت اندوری واصل ہو گئے

اندرو( بھلیکھا ٹی وی ) عالمی شہرت یافتہ بھارتی اردو شاعرراحت اندروری کورونا وائرس نال جنگ لڑ دیاں ہوئیاں زندگی دی بازی ہار گئے ۔بھارتی میڈیا دے مطابق اردو ادب دے استاد تے معروف شاعر راحت اندوری کورونا نال خالق حقیقی نوں جا ملے ۔منفرد انداز لحن نال مشاعرہ لُٹ لین والے 71سالہ شاعر نوں کورونا وائرس دا ٹیسٹ مثبت آون اُتے اسپتال وچ داخل کیتا گیا سی ۔سماجی رابطے دی اک ویب سائٹ اُتے اپنی آخری ٹوئٹ وچ راحت اندروری نے اپنے چاہون والیاں نوں کورونا ٹیسٹ مثبت آون تے اسپتال وچ داخل ہوون دی اطلاع دتی ، تے آکھیا کہ میری صحت لئی خصوصی دعا کیتی جائے ۔راحت اندوری دیاں غزلاں تے نظمان زبان اُتے عام سن تے اوہناں نے پاک وہند وچ یکساں مقبولیت حاصل کیتی تے اوہناں دا اک شعر سیاست داناں وچ بوہت مقبول ہوئیا تے انتخابی جلسیاں دی رونق بنیا۔سبھی کا خون ہے شامل یہاں کی مٹی میں/کسی کے باپ کا ہندوستان تھوڑی ہے