پاکستانی انٹیلی جنس نے بھارتی خفیہ ایجنسی دے وڈے سائبر حملے دا سراغ لا لیا

بھلیکھا ٹی وی :پاکستانی انٹیلی جنس ایجنسیاں نے بھارتی خفیہ ایجنسی دے وڈے سائبر حملے دا سراغ لا لیا۔ پاک فوج دے شعبہ تعلقات عامہ (آئی ایس پی آر) ولوں جاری بیان دے مطابق بھارتی خفیہ ایجنسی سائبر حملیاں وچ ذاتی موبائل فونز دی ہیکنگ کر رہی سی۔ آئی ایس پی آر دے مطابق بھارتی خفیہ ایجنسی حکومتی، فوجی افسراں دے موبائل، ٹیکنیکل گیجٹس دی ہیکنک کر رہی سی۔ ترجمان پاک فوج دے مطابق دشمن انٹیلی جنس ایجنسی دے اہداف دی تحقیقات کیتی جا رہیاں نیں، پاک آرمی نے اجہی سرگرمیاں نوں نکام بنان لئی ہور اقدامات کیتے نیں۔ ایہناں اقدامات وچ سائبر سکیورٹی ایس او پیز دی خلاف ورزی کرن والیاں دے خلاف کاروائی وی شامل اے۔