بلاول زرداری نے فیر عوام نوں گمراہ کرن دی کوشش کیتی: فیاض الحسن

لہور(بھلیکھا ٹی وی )وزیر اطلاعات پنجاب فیاض الحسن چوہان آکھیا اے بلاول زرداری نے فیر عوام نوں گمراہ کرن دی کوشش کیتی، پیپلزپارٹی قیادت نوں عدالتاں دے سوالات چبھ رہے نیں، آصف زرداری نے ملکی خزانے نال اپنی جیباں بھریاں۔ فیاض الحسن چوہان نے بلاول بھٹو نوں ردعمل دیندیاں آکھیا سندھ دے آقا بنے زرداری خاندان دے سپوت دے منہ توں انسانی حقوق دی گلاں چنگی نہیں لگدیاں، بلاول زرداری اپنے پیو توں پچھن، دوران اقتدار بے نظیر شہید دے قاتلاں نوں پھڑن لئی کیہ کیتا؟ سندھ نوں پتھر دے دوروچ دھرون والی پیپلزپارٹی اج وزیراعظم عمران خان دی قیادت تے انگلی چک رہی اے۔ وزیر اطلاعات پنجاب دا کہنا سی آئی پی پیز نوں پاکستان تے مسلط کرکے مہنگی بجلی توں ارباں روپے کمائے گئے، وزیر اعظم عمران خان دی قیادت وچ بجلی دے نویں ریٹس طے ہون نال سالانہ400ارب دی بچت ہووے گی، کار دے کیس وچ وی موثر حکومتی اقدامات پاروں 1.2ارب ڈالر دا جرمانہ معاف کروایا گیا،وزیراعظم نیک نیتی تے ایمانداری دے نال ملکی خزانے دا استعمال کر رہے نیں۔