موتاں تے کیساں وچ مسلسل کمی، اک دن وچ 7بندے جاں بحق،488نویں کیسز رپورٹ

اسلام آباد(بھلیکھا ٹی وی ) کورونا دا زور ٹُٹ گیا،کیساں تے موتاں وچ مسلسل کمی ہون لگی، مہلک وائرس نے 7بندیاں دی جان لے لئی جہدے بعد موتاں دی تعداد6ہزار 175ہو گئی۔ پاکستان وچ کورونا دے تصدیق شدہ کیساں دی تعداد2لکھ 89ہزار 215ہو گئی۔ نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے24 گھنٹیاں دے دوران 488 نویںکیسز رپورٹ ہوئے، پنجاب وچ 95 ہزار 447، سندھ وچ اک لکھ 26 ہزار 182، خیبر پختونخوا وچ 35 ہزار 215، بلوچستان وچ 12 ہزار 295، گلگت بلتستان وچ 2 ہزار 502، اسلام آباد وچ 15 ہزار 390 جدک کہ آزاد کشمیر وچ 2 ہزار 184 کیسز رپورٹ ہوئے۔ملک بھر وچ ہن تک 22 لکھ 99 ہزار 601 بندیاں دے ٹیسٹ کیتے گئے، پچھلے24 گھنٹیاں دے دوران 22 ہزار 448 نویںٹیسٹ کیتیگئے، ہنتک 2 لکھ 69 ہزار 87 مریض صحت یاب ہوچکے نیں جد کہ771 مریضاں دی حالت تشویشناک اے۔پاکستان وچ کورونا نال اک دن وچ 7 بندے جاں بحق ہوگئے جہدے بعد وائرس نال مرن والیاں دی تعداد 6 ہزار 175 ہوگئی۔ پنجاب وچ 2 ہزار 182، سندھ وچ 2 ہزار 322، خیبر پختونخوا وچ اک ہزار 239، اسلام آباد وچ 173، بلوچستان وچ 138، گلگت بلتستان وچ 61 تے آزاد کشمیر وچ 60 مریض جان توں ہتھ دھو بیٹھے۔