اسلام آباد ہائی کورٹ نے نوازشریف دی ضمانت تے سوال کر دتے

اسلام آباد(بھلیکھا ٹی وی )ہائی کورٹ نے العزیزیہ ریفرنس وچ نوازشریف دی ضمانت تے سوال کر دتے نیں۔ چیف جسٹس اسلام آباد ہائی کورٹ جسٹس اطہر من اللہ تے جسٹس عامر فاروق تے مشتمل 2رکنی بنچ نے نوازشریف دی احتساب عدالت وچ نمائندہ مقرر کرن دی عرضی تے سماعت کیتی۔ دوران سماعت اسلام آباد ہائی کورٹ نے نوازشریف دی ضمانعت تے سوال کر دتے

، جسٹس اطہر من اللہ نے سابق وزیراعظم دے وکیل توں استفسار کیتا ایتھے نوازشریف دی دو اپیلاں زیر التوا نیں، 8ہفتے دی ضمانت دا کیہ اسٹیٹس اے؟ کیہ تہاڈی اوہ ضمانت ختم ہو چکی اے؟ بظاہر ایس عدالت دے فیصلے دی حد تک ملزم اشتہاری ہو چکیا اے، جے تہاڈی ضمانت کینسل اے تے ایہدے تے ملزم دا اسٹیٹس کیہ اے؟ نوازشریف دی سزا جہڑی معطل کیتی سی اوہ برقرار اے یا نہیں ایہ دسو۔ جسٹس عامر فاروق نے ریمارکس دتے ملزم دی ایس عدالت ولوں دتی جان والی ضمانت غیر موثر ہو چکی اے، اسیں پنجاب حکومت نوں آکھیا سی اوہ ضمانت وچ وادھے دا معاملہ اوہ ویکھے گی، نوازشریف دی ضمانت ہے یا نہیں پہلے سانوں ایہ کلیئرکرو، اسلام آباد ہائی کورٹ نے نوازشریف دی ضمانت دے اسٹیٹس دی تفصیلات منگ لئی۔