کپتان لمبی اننگز کھیڈن لئی تیار نیں ، کسی نو وی این آر او نہیں ملے گا : اسد عمر

اسلام آباد ( بھلیکھا ٹی وی) اسد عمر نے آکھیا کہ اپوزیشن لئی بُری خبر اے کہ کپتان لمبی اننگز کھیڈن لئی تیار نیں ، وزیر اعظم عمران خان کسی نوں وی این اوآر نہیں دیون گے ، عمران خان دی حکومت نے ثابت کردتا کہ او ہ ملک دے فائدے لئی سب نوں نال لیہ کے چلدے نیں ۔وفاقی وزیر منصوبہ بندی اسد عمر نے آکھیا کہ حکومت تے نا اہلی دے الزامات لگائے جاندے نیں ، آکھیا جاندا اے کہ عمران خان دُجیاں نوں نال لیہ کے نہیں چلدے ،عمران خان این آر او دیون لئی کس دے وی نال نہیں چلدے ، عمران خان 22سال دی کوشش تو ں بعد وزیر اعظم بنے تے لمبی اننگز کھیڈن لئی عزم رکھدے نیں۔وفاقی وزیر منصوبہ بندی نے ہور آکھیا کہ کورونا نال بنگلہ دیش وچ 4گنا ودھ موتاں ہوئیاں نیں ، ایران وچ کورونا نال پاکستان دی نسبت20گنا موتاں ہو رہیاں نیں ، بھارت وچ پاکستان دی نسبت 12گنا موتاں ہو رہیاں نیں۔