بھارت دا پاکستان نوں سفارتی محاز اُتے تنہا کرن دا منصوبہ ناکام ہو گیا : شاہ محمود قریشی

اسلام آباد ( بھلیکھا ٹی وی ) شاہ محمود قریشی ہوراں آکھیا کہ بھارت دا پاکستان نوں سفارتی محاز اُتے تنہا کرن دا منصوبہ ناکام بنایا ، پوری دُنیا وچ کشمیر دا مسئلہ بھرپور طریقے نال اُجاگر کیتا ، دوست ملکاں نے مضبوط تعلقات دی پالیسی بنائی ، افغانستان وچ امن لئی پاکستانی اقدام وڈی کامیابی نیں ۔وزیر خارجہ شاہ محمود قریشی نے آکھیا کہ اپنی وزارت دی کارکردگی دے حوالے نال آکھیا کہ ویکھنا ہوئے گا کہ ساڈے دائمی حریف دا کیہ مقصد اے ، بھارت دی کوشش رہی کہ پاکستان نوں سفارتی محاز اُتے تنہا کرے ، لیکن ساڈے ہمسائے ملکاں نال تعلقات مضبوط ہوون نال ناکام ہو گیا ، بھارت دے خلاف چین ، نیپال تے بنگلہ دیش دا ردعمل سب دے ساہمنے اے ، اسی پرانے تعلقات نوں نوا رخ دیون دی کوشش کیتی ۔اوہناں آکھیا کہ وزرات خارجہ وچ اسی ادارا جاتی اصلاحواں کیتیاں، ای ویزہ دی سہولت تے ایف ایم ڈائریکٹ ایپ بنائی گئی ، ایپ دے ذریعے سارے سفیر میرے نال رابطہ وچ نیں ۔