دو سال توں نا اہل ٹولہ پاکستان اُتے مسلط اے ، جھوٹ بولن دا ریکارڈ قائم ہو گیا ، مریم اورنگزیب

اسلام آباد ( بھلیکھا ٹی وی ) مریم اورنگزیب ہوراں آکھیا کہ دو سال توں پاکستان اُتے ناہل ٹولہ مسلط اے ، تے جھوٹ بولن دے ریکارڈ قائم ہو چکے نیں ، اج جو کارکردگی سنائی گئی اے اور ڈھٹائی دی اعلیٰ مثال اے ، ملک وچ ہر پاسے بے روز گاری تے مہنگائی ، غریب عوام دی فریاد سنن والا کوئی نہیں ۔ترجمان پاکستان مسلم لیگ ن مریم اورنگ زیب نے میڈیا نال گل بات کردیاں آکھیا کہ جھوٹے وعدے تے لارے لائے گئے ، تھوڑے وقت وچ تریخی ناکامی کسی دور وچ نہیں ہوئی واحد وزیر اعظم اے جو نوٹس لیہ کے تباہی کردے نیں ، نالائقاں دا ٹولہ ملک اُتے مسلط ہو گیا اے ۔