نواز شریف خود لند ن دوڑے ، اپوزیشن نوں جیل بھرو تحریک دی تلقین کر رہئے نیں : فیاض چوہان

لہور ( بھلیکھا ٹی وی ) وزیر اطلاعات پنجاب فیاض الحسن چاہان نے آکھیا کہ نواز شریف خود ہی لندن دوڑے ، اپوزیشن نوں نیب پڑتال اُتے جاون تے جیل بھرو تحریک چلاون دی تلقین کر رہے نیں ، اک مفرور مجرم ولوں دوجیاں نوں جیل بھرن دی تلقین منافقت دی اعلیٰ ، ارفع تے تابناک مثال اے ۔نواز شریف نے مولانا فضل الرحمن نوں فون اُتے ردعمل وچ فیاض الحسن چوہان نے آکھیا کہ نواز شریف خود تے ( دس بہانے کر کے لے گئی دل) دے مصداق پتلی گلی توں لندن دوڑے گئے ، ہن لند ن وچ بیٹھ کے اپوزیشن نوں آکھاںوکھا کہ زیر کھاون دی تعلیم ، تلقین تے تربیت دے رہے نیں ، مولانا فضل الرحمن عقلمند ہوئے تے ن لیگ تے پیپلز پارٹی دی ناجائز سیاسی خواہش نوں کدی وی پورا نیں کرن گے ۔اوہناںآکھیا کہ جولائی دے مہینے وچ باہر دے ملک چوں پاکستانیاں نے 2.7بلین ڈالر دی ترسیلات پاکستان گھلیاں ، پاکستان دی تریخ وچ کسی وی مہینے وچ ترسیلاں دے ذریعے ایہ رقم سب توں ودھ اے ، ایہ وزیر اعظم عمران خان تے پی ٹی آئی حکومت دی نیک نیتی اُتے عوام دے اعتماد دا ثبوت اے ۔