آرمی چیف دی سعودی نائب وزیر دفاع نال ملاقات

راولپنڈی: پاک فوج دے سربراہ جنرل قمر جاوید باجوہ نے سعودی نائب وزیر دفاع شہزادہ خالد بن سلمان بن عبدالعزیز نال ملاقات کیتی۔ آئی ایس پی آر دے مطابق آرمی چیف دی سعودی نائب وزیر دفاع شہزادہ خالد بن سلمان بن عبدالعزیز نال ملاقات ہوئی جہدے وچ باہمی دلچسپی تے دفاعی تعاون تے تبادلہ خیال کیتا گیا۔ ملاقات وچ علاقائی تے باہمی سکیورٹی تعاون تے وی گل ہوئی۔ ایس توں پہلاں آرمی چیف سعودی عرب اپڑے تے سعودی چیف آف جنرل سٹاف جنرل فیاض بن حمد الرویلی نے اوہناں دا استقبال کیتا۔ اوہناں نوں سعودی وزارت دفاع وچ گارڈز آف آنر وی پیش کیتا گیا۔ آئی ایس پی آر دا کہنا اے آرمی چیف دی سعودی چیف آف جنرل سٹاف جنرل فیاض بن حمد الرویلی سنے سعودی کمانڈر جوائنٹ فورسز لیفٹیننٹ جنرل فہد بن الترکی السعود نال وی ملاقات کیتی جہدے وچ دوطرفہ عسکری تعلقات تے تربیتی امور تے تبادلہ خیال کیتا گیا۔