سرکار نے 2سال وچ ویلے سر ضروری تے تعمیراتی صنعت نوں کھولیا: حماد اظہر

اسلام آباد( بھلیکھا ٹی وی)وفاقی وزیر برائے صنعت و پیداوار حماد اظہر نے پی ٹی آئی سرکار دی دو سالہ کارکردگی نوں تسلی بخش قرار دتا اے۔ اسلام آباد وچ میڈیا نوں بریفنگ دیندیاں حماد اظہر نے دسیا پی ٹی آئی سرکا رنے 2سال وچ ویلے سر ضروری صنعت تے تعمیراتی صنعت نوں کھولیا تے مون سون دے بعد تعمیراتی صنعت وچ ہور تیزی آئے گی۔ اوہناں آکھیا اسیں نہ صرف ٹیکس فری بجٹ دتا سگوں ٹیکس گھٹ وی کیتا، کورونا وباء وچ پاکستان نے سپلائی چین نوں بحال رکھیا، کنسٹرکشن دی صنعت لئی منفرد پیکیج لیائے تے ہن کنسٹرکشن صنعت وچ وادھا نظر آ رہیا اے۔ وفاقی وزیر نے دسیا کہ 2سال وچ 30توں 35لکھ چھوٹے کاروبار دے 3مہینے دے بجلی دے بل معاف کیتے گئے، پاکستان سٹیل 236ارب دے قرضیاں تے کھڑی اے اسیں سٹیل ملز دے دیرینہ مسئلے دا حل کڈھیا۔