عمران خان دی دو سالہ کارکردگی نکامی دی منہ بولدی تصویر اے: شہباز شریف

لہور( بھلیکھا ٹی وی ) اپوزیشن لیڈر میاں شہباز شریف آکھیا اے وزیراعظم عمران خان دی دو سالہ کارکردگی نکامی دی منہ بولدی تصویر اے۔ اوہناں دا کہنا سی تحریک انصاف سرکار نے تباہی دے سوا کجھ نہیں دتا۔ ویلے دے نال نال قومی معاملات وچ بد انتظامی ودھ رہی اے۔تفصیل دے مطابق مسلم لیگ (ن) دے صدر میاں شہباز شریف نے سرکار دے دو سال پورے ہون تے اپنے ٹویٹ وچ سخت ردعمل دا اظہار کردیاں آکھیا اے تحریک انصاف دی سرکار نے ایس عرصہ وچ تباہی دے علاوہ کجھ نہیں دتا۔ شہباز شریف دا کہنا سی گورننس نال خارجہ پالیسی ہووے یا معاشی پالیسی، عمران خان دی قومی معاملات وچ بدانتظامی ہور ودھی اے۔ عوام نوں ایس بدترین سیاسی انجینئرنگ دے تجربے دی سزا مسلسل بھگتنا پے رہی اے۔