نون لیگ باہر چلی گئی ، شین لیگ اندر ہو گئی تے میم لیگ رہ گئی : فیاض الحسن چوہان

لہور ( بھلیکھا ٹی وی ) وزیر اطلاعات فیاض الحسن چوہان نے آکھیا کہ شہباز شریف منی لانڈرنگ وچ ملوث رہے جس اُتے اوہناں نوں گرفتار کیتا گیا ، نون لیگ باہر چلی گئی ، شین لیگ اندر ہوگئی صرف میم لیگ باقی رہ گئی ، جو ایس ٹائم کھیڈاں کھیڈ رہی اے ،لہور وچ وزیر اطلاعات پنجاب فیاض الحسن چوہان نے میڈیا نال گل بات کر دیاں آکھیا کہ قائد نون لیگ نوں سپریم کورٹ نے تا حیات نا اہل کیتا ، نون لیگ والیاں نے اوہناں نو ں اپنا قائد بنا لیا ، نون لیگیاں دا بس اک ہی نعرہ اے کہ ساڈا قائد ساڈا امام اے ، کرپشن جس دا کم اے ، شاہد خاقان عباسی گرفتار ہوئے تے نون لیگ والیاں اوس نوں خلیفہ بنا لیتا ۔اوہنا ں نے آکھیا کہ نون لیگ نوں ہتھ پائو تے رولا پہ جاندا کہ ریاست خطرے وچ اے ۔ایہ واحد پارٹی اے جس دی اُلٹی گنگا بہندی اے ، شہباز شریف گرفتار ہوئے تے سب توں زیادہ خوشی مریم صفدر نوں ہوئی ، میم لیگ وچ صرف پرویز رشید شامل اے جو کہ ملک دشمن طاقتاں دے راستے اُتے چل رہی اے ، میم لیگ ہن کھل کے ساہمنے آ رہی اے ،جو کہ ہن اپنا بیرہ غرق کر رہی اے ۔