پیپلزپارٹی دا ایم کیو ایم دے مقابلے وچ اتوار نوں کراچی وچ ریلی کڈھن دا اعلان

کراچی: پیپلزپارٹی نے ایم کیو ایم دے مقابلے وچ اتوار نوں عائشہ منزل توں مزار قائد تک ریلی کڈھن دا اعلان کر دتا۔ وزیر تعلیم سندھ سعید غنی نے پریس کانفرنس کردیاں آکھیا ایم کیو ایم تاثر پیدا کر رہی اے کہ کراچی وچ پیپلزپارٹی دا مینڈیٹ نہیں، وزیراعظم عمران خان وی لسانیت دی سیاست نوں سندھ وچ پروان چڑھا رہے نیں تے ایم کیو ایم دے پیپلزپارٹی دے خلاف نعرے نوں تقویت دے رہے نیں۔

سعید غنی آکھیا وزیراعظم عمران خان کا ایہ کہنا کہ اندرون سندھ توں منتخب ہون والے کراچی تے حکومت کردے نیں، اسیں ریلی وچ وزیراعظم دے بیان نوں رد کراں گے، ایم کیو ایم دی پچھلے دناں ریلی نکام رہی، پیپلزپارٹی دے مقابلے وچ ایم کیو ایم دی جلسی دس فیصد وی نہیں سی، اسیں ثابت کراں گے کراچی دے لوک پیپلزپارٹی نوں پسند کردے نیں۔ سعید غنی ہور آکھیا ایم کیو ایم ماضی وچ پیپلزپارٹی نوں جلسہ کرن نہیں دیندی سی تے اوہنوں پیپلزپارٹی دے جلسیاں توں تکلیف اے۔