آئین دی گل کرنا اگر بغاوت اے تے ایہ بغاوت ہر روز ہوئے گی : شاہد خاقان عباسی

اسلام آباد ( بھلیکھا ٹی وی ) شاہد خاقان عباسی نے آکھیا کہ آئین دی گل کرنا اگر بغاوت اے تے ایہ بغاوت ہر روز ہوئے گی ، عام شہری دا سہارا نہ لین ، کھل کے ساہمنے آن ، ہمت ہے تے مقدمے وچ نامزدر سارے لوکاں نوں گرفتار کرن۔

سابق وزیر اعظم تے لیگی رہنما شاہد خاقان عباسی نے میڈیا نال گل بات کر دیاں آکھیا کہ چار دن توں وفاقی وزیراں اک ہی راگ لایا ہوئیا اے کہ اپوزیشن نوں غداری دا سر ٹیفکیٹ دین نال نالائقی نہیں چھپ نہیں سکدی ، اوس پرچے دے مطابق جو پاکستان چلایا کردے سن اوہ بغاوت دے مرتکب ہوئے نیں ۔ اوہناں نے آکھیا کہ اگر کشمیر دے سودے دی گل کرنا بغاوت اے تے ایہہ بغاوت ہر روز ہوئے گی ۔اگر ملک دے خلاف سازش بے نقاب کرنا بغاوت اے تے روز بغاوت ہوئے گی جد تک الزام لگاون لئی کجھ نہ رہ جائے تے بغاوت دے الزام لگائے جاندے نیں ۔