بلاول بھٹو دا مریم نواز نال رابطہ، کیپٹن (ر) صفدر دی گرفتاری دی شدید مذمت

کراچی: پیپلزپارٹی دے چیئرمین بلاول بھٹو نے مریم نواز نال ٹیلی فونک رابطہ کیتا جہدے وچ اوہناں دے شوہر کیپٹن (ر) صفدر دی گرفتاری تے گل ہوئی ۔ بلاول بھٹو زرداری نے کیپٹن (ر) صفدر دی گرفتاری دی شدید لفظاں وچ مذمت کردیاں آکھیا اوہناں نوں کیپٹن (ر) صفدر دی گرفتاری دی خبر سن کے شدید صدمہ ہویا اے، وہ ایس تکلیف دہ گھڑی وچ تہاڈے نال مکمل اظہار یکجہتی کردے نیں، انج ایس طرح دی گرفتاری سندھ دی روایات دے وی منافی اے۔ بلاول نے مریم نواز توں آکھیا پاکستان پیپلزپارٹی تے سندھ سرکار نوں گرفتاری دے سلسلے وچ ہون والی پیش رفت توں آگاہ نہیں کیتا گیا۔ اوہناں نے وزیراعلیٰ سندھ نوں ہدایات جاری کیتیاں نیں واقعے دی مکمل تحقیقات ہون۔