دیس وچ کورونا دے 440نویں کیسز رپورٹ، ہور5مریض جاں بحق

سلام آباد: دیس بھر وچ کورونا وائرس دے 440نویں کیسز رپورٹ ہوئے تے ہور 5مریض جاں بحق ہو گئے۔ نیشنل کمانڈ اینڈ آپریشن سنٹر (این سی او سی) نے ملک وچ کورونا وباء توں متاثرہ بندیاں دے تازہ اعداد و شمار جاری کر دتے۔ پچھلے 24گھنٹیاں وچ 27ہزار 91ٹیسٹ کیتے گئے، ایس بیماری نال ہور 5موتاں ہوئیاں تے 440نویں کیسز رپورٹ ہوئے۔ این سی او سی دے مطابق ملک وچ کورونا دے مجموعی کیسز 3 لکھ 23 ہزار 452 ہوگئے جد کہ فعال کیساں دی تعداد 9 ہزار 384 اے۔

کورونا نال موتاں دی مجموعی تعداد 6 ہزار 659 تے صحت یاب ہون والیاں دی تعداد 3 لکھ 7 ہزار 409 اے۔سندھ وچ مریضاں دی تعداد 1 لکھ 41 ہزار 841، پنجاب وچ 1 لکھ 1 ہزار 652، خیبرپختونخوا 38 ہزار 645، اسلام آباد وچ 18 ہزار 69، بلوچستان وچ 15ہزار 688، آزاد کشمیر 3ہزار 498 تے گلگت وچ 4059 ہوگئی۔اسلام آباد وچ کورونا د ے نویں کیسز سامنے آن دی شرح وچ تیزی نال وادھا جاری اے۔ پچھلے دیہاڑ اسلام آباد وچ کورونا دے ہور 83 نویںکیسز سامنے آگئے جہناں وچ 43 مرد تے 40 عورتاں شامل نیں۔