کیپٹن (ر) صفدر گرفتاری معاملہ، آئی جی سنے اعلیٰ افسراں دا چھٹیاں تے جان دا فیصلہ

کراچی: آئی جی سنے سندھ پلس دے دوجے اعلیٰ افسراں نے کیپٹن (ر) صفدر دی گرفتاری تے رہائی دے معاملے بعد پیدا ہون والی صورتحال وچ چھٹیاں تے جان تے غور شروع کر دتا اے جد کہ ایڈیشنل آئی جی نے دو مہینے دی چھٹی دی عرضی جمع کروا دتی اے۔ ایڈیشنل آئی جی سپیشل برانچ عمران یعقوب منہاس نے ایس معاملے تے دلبرداشتہ ہو کے دو مہینے دی چھٹیاں لئی عرضی دے دتی اے۔

اوہناں دا کہنا اے سندھ پلس دے سارے افسران کل دے واقعے دے بعد صدمے وچ نیں۔ اجہے ماحول وچ کم نہیں کر سکدا۔ ذرائع دے مطابق کیپٹن صفدر دی گرفتاری تے رہائی دے معاملے تے آئی جی سنے سندھ پلس دے دوجے اعلیٰ افسران چھٹیاں تے جان تے غور کر رہے نیں۔ ذرائع دا کہنا اے آئی جی سندھ مشتاق مہر اج دفتر نہیں آئے۔