عوام لئی بری خبر، دوائیاں دا ریٹ ہور ودھ گیا

اسلام آباد(پنجابی میڈیا گروپ)مہنگائی دی ماری عوام لئی اک ہور بری خبر آگئی، جان بچان والی94دوائیاںدیاں قیمتاں ہور ودھان دا نوٹی فکیشن جاری کر دتاگیا۔حکومت نے ڈرگ مافیا دے اگے گھوڈے ٹیک دتے ،94دوائیاں دیاں قیمتاں9توں262فیصد ودھا دتیاں۔ دوائیاںوچ بخار، سر درد، امراض قلب، ملیریا، شوگر، گلے وچ خراش تے فلو دیاں دوائیاں شامل نیں۔ حکومتی ناقص پالیسیاں دی بھینٹ چڑھان والی دوایاں وچ اینٹی بائیوٹکس، پیٹ درد، آنکھ، کان، دانت،منہ، بلڈ انفیکشن دی دوائیاں، جلد دے امراض، زچگی توں بعد استعمال ہونیوالیاں دوائیاں سمیت مختلف دوائیاں مہنگیاں ہوگیاں۔