غزل
یونس بھٹی
جگیا بھاگ اج ڈھارے دا اے
پھیرا لگیا پیارے دا اے
فیر وی دل دریا اے ساڈا
بھاویں آپ گزارے دا اے
ایہ کیہ گل اے ناں سمندر
پے گیا پانی کھارے دا اے
منزل دو گز بھوئیں جے اوڑک
رولا کیہ کیارے دا اے
ایس دے اندر ساہ ہوندے نیں
تد ای مل غبارے دا اے
گبھرو دی نہیں غلطی ساری
کجھ گناہ مٹیارے دا اے
دل دے بدلے دل جے لبھے
بھٹی سودا وارے دا اے
Users Today : 111
Users Yesterday : 666
Total Users : 734393
Views Today : 298
Total views : 11631586
Who's Online : 6
