ماں
رباب ورک
ماں اے رب دھرتی دا لوکو
ایس گل نوں سمجھو لوکو
دین ہمیشا ٹھنڈیاں چھاواں
رب دا دوجا روپ نے ماواں
ایس توں پیاری چھاں نہیں لبھنی
ٹر جاوے تے ماں نہیں لبھنی
ماں اے رکھ محبت والا
سنگھنا بوٹا بر کت والا
ایہدے ہوندیاں ڈر نہ کوئی
ایہدے باہجو گھر نہ کوئی
سینے لا کے ہوکے ہاواں
جھولی بھر بھر دین دعاواں
رب دا دوجا روپ نیں ماواں
Users Today : 227
Users Yesterday : 666
Total Users : 734509
Views Today : 1010
Total views : 11632298
Who's Online : 6
