غزل
سلیم نجمی
خالی کھیسے سچیاں گلاں
تاہیوں تے نہیں جچیاں گلاں
منصف مینوں سولی ٹنگیا
میریاں نہیں نہ پچیاں گلاں
عشق ہوراں نوں چنگیاں لگن
کچی عمر دیاں کچیاں گلاں
پوہ پھٹی تے فر وی رہیاں
دوہاں پاسے بچیاں گلاں
ویکھ ساڈے پیار دیاں اج
ہر دی جبھ تے نچیاں گلاں
سجن مونہوں سنیاں نیں جو
لوں لوں اندر رچیاں گلاں
ماڑے دا دکھ ونڈنا نجمی
جگ تے ایہوں اچھیاں گلاں
Users Today : 422
Users Yesterday : 626
Total Users : 735330
Views Today : 3448
Total views : 11638050
Who's Online : 3
