غزل
اعجاز اللہ ناز
چُپ ایں کیوں کجھ بول او ربا
انج نہ سانوں رول او ربا
کدھرے اُٹھ دے پیار جنازے
کدھرے وجن ڈھول او ربا
دل دکھاں نال بھر گئے ہُن تے
خوشیاں دی پنڈ کھول او ربا
ساڈی آس امیداں والے
لُٹ لئے لوکاں بوہل او ربا
دے دے ساڈا پیار گواچا
کر نہ ٹال مٹول او ربا
عشق پیالہ شہد توں مٹھا
زہر نہ دیویں گھول او ربا
Users Today : 548
Users Yesterday : 666
Total Users : 734830
Views Today : 2903
Total views : 11634191
Who's Online : 4
