گیتاں دا ونجارا

بھپندر پنیوالیا

میں گیتاں دا ونجارا ونگاں میرے گیت کُڑے
مینوں لگن جان توں پیارے جِداں کوئی میت کُڑے
کوئی گیت میرا جھانجر بنیا کوئی بنیا کوکا
ہر کوئی گیت اُدھارا منگدا جد میں لاواں ہوکا
میرے گیت تاں ونڈدے رہندے لوکاں تانئی پریت کُڑے
میں گیتاں دا ونجارا ونگاں میرے گیت کُڑے
کوئی گیت میرا ہِجراں بھریا دِنے رات رُوآوے
جاں گیتاں وِچ عِشق حقیقی سچ دے میل کراوے
پھِر پچھتاؤنا پے جاندے جدوں ویلا جاندے بیت کُڑے
میں گیتاں دا ونجارا ونگاں میرے گیت کُڑے
کوئی گیت میرا ممتا بھریا کوئی بڑا نیارا
میرے گیتاں دے وِچ وسیندے لوکو عالم سارا
کناں دے وِچ مِسری گھولے کوئی جھانجر دا سنگیت کُڑے
میں گیتاں دا ونجارا ونگاں میرے گیت کُڑے
کوئی گیت ہے پیار لوکاں دا کوئی میرا مہِرم
اِس جگ دے لوک چنگیرے جو نال میرے ہردم
نِت بنائے نہیں جاندے سجن مہِرم میت کُڑے
میں گیتاں دا ونجارا ونگاں میرے گیت کُڑے