موتوں بُرا وچھوڑا ہوندا

بھپندرپنیوالیا

موتوں بُرا وِچھوڑا ہوندا سیانے سچ فرماؤندے
وِچ وِچھوڑے سدا ہی تڑفن جو نے سچیاں لاؤندے
ہیر جٹی دی خاطر رانجھے ہیسی کن سی پڑوائے
وِچ تھلاں دے بھُجدی سسی پُنوں پُنوں کُرلائے
قبراں وِچ مِلدے آخر تھاہ عِشق دی پاؤندے
موتوں بُرا وِچھوڑا ہوندا سیانے سچ فرماؤندے
کچا پرکھ نہ سکی سوہنی عِشق چ ہوئی انھی
رہی ہٹک بھین مِرزے دی اِک نہ اوہنے منی
باجھ بھراواں جٹ ماریا قِصے لوک سُناؤندے
موتوں بُرا وِچھوڑا ہوندا سیانے سچ فرماؤندے
لیلیٰ خاطر مجنوں تانئی وِچھوڑے پاگل کریا
شیریں لئی فریاد لوکے توڑ پہاڑاں مریا
بانو دے دھرواسے کِداں سیری تانئی بچاؤندے
موتوں بُرا وِچھوڑا ہوندا سیانے سچ فرماؤندے
وِچ وِچھوڑے پنیوالیا رہندا ہوکے بھردا
وانگ ترشنکُو لٹکیا نہ جِیوندا نہ مردا
آؤندے جاندے راہی اوس نوں غافل آکھ بُلاؤندے
موتوں بُرا وِچھوڑا ہوندا سیانے سچ فرماؤندے