غزل
عبادنبیل شاد
تیرے ہوندیاں‘ ہور کسے دی‘ لوڑ ای نہیں
سدھی آکھاں‘ چور کسے دی لوڑ ای نہیں
تیری اکھ نشیلی جدوں سلامت اے
مینوں قسمے لوڑ‘ کسے دی‘ لوڑ ای نہیں
میں موراں نوں پیلاں پائوندے تکیا اے
سوہنی آکھاں ٹور کسے دی‘ لوڑ ای نہیں
میں سجناں چوں سجن لبھنا چاہنا واں
مینوں آدم خور کسے دی‘ لوڑ ای نہیں
شادؔ کدوں دا پیڑاں سانبھی بیٹھا اے
اوہنوں اج ٹکور کسے دی لوڑ ای نہیں
Users Today : 521
Users Yesterday : 322
Total Users : 733043
Views Today : 2029
Total views : 11626878
Who's Online : 2
