غزل
منصور عزمی
ایویں پیار وکھا نہ ماہی
عشق دی راہے پا نہ ماہی
بُجھی رہن دے پیار دی اَگ نوں
پھُوکاں نال بھڑکا نہ ماہی
طعنے روز شریکا دیووے
آ جا ہور ستا نہ ماہی
کر کے سانوں اُجڑن جوگا
اکھیاں تے پرتاء نہ ماہی
دل نگری وچ سنھاں لگیاں
پھڑیا چور گیا نہ ماہی
عشق نے لکھاں جھُگے ساڑے
دیویں ہور سزا نہ ماہی
عشق دے ویڑھے سانوں عزمیؔ
ایویں ہور نچا نہ ماہی
Users Today : 401
Users Yesterday : 322
Total Users : 732923
Views Today : 1321
Total views : 11626170
Who's Online : 3
