دنیا دار اے مسلمان

عذرا سلطانہ لالہ موسوی

قدر اسلام دی جانن ناہیں
دنیا دار اے مسلمان
مسلم تے مسلمان سدھاون
آدر دین دا پاون نان
اپنے ویہاراں وچ رُجھے نے
گوڈے گوڈے بدی آں اچ کھبے نے
اللہ دے حُکماں نوں بُھلے نے
کرنی آں تے شرمائوں ناں
اپنے مطلب دی آں کرن تفسیراں
گرج گرج کرن تقریراں
جو اے وچ قرآن تحریراں
عمل اُہدے تے پاون ناں
دنیا دار اے مسلمان
پڑھن نمازاں دیون زکاتاں
روزے رکھن کردے حج وی
اصل روح اے جو دین حق دی
اوس نوں پہنچاون ناں
دنیا دار اے مسلمان
رَب تے کہندا اے جے بندے اُو
دلاں اچ میں رہنا واں
ٹُٹے دلاں دی آں فریاداں
سُنساں خالی موڑ ساں ناں
اپنے حق تے بخش دیاں گا
پیداوار او جو سب میری
جیہڑے حق نے اک دوجے دے تہاڈے
پچھ ساں ضرور او چھڈساں ناں
اک نیکی دا بدلہ بندے او
دہ دنیا ستر آخر دیناں ہاں
جے نیکی ہووے صلہ رحمی
ثواب دے سان میں دُگناں
دنیا وانگر کھیتی اے بندے او
جو گڈ سو ای وڈھ سو
جے کر نیکی احسان جتا سو
ثواب تے وت دے ساں ناں
اک اللہ اک نبیؐ آخرالزمان
اک قرآن تے ہوئے اک زبان
ایس سبق نوں جو بھلن ناں
اصل اوہی اے پکے مسلمان
ہن زر زور حسن جوانی
وانگڑ ڈھل دی آں چھاواں
صدقہ جاریہ عمل تے صلاتاں
او نے خزانے ودھن ای ودھن مکن ہاں
ایہو جے آ کج کر لو بندے او
ایس بازاروں کج کھٹ لے او
اللہ تے نبیؐ خوش ہو جاون
حشر نوں عذرا ملے کالی کملی دی چھاں