غزل
بابا نور محمدنورکپور تھلوی
ساتھوں ایہہ محبتاں لکائیاں نہیوں جاندیاں
جھوٹھیاں کہانیاں سنائیاں نہیوں جاندیاں
جدوں لڑ دے نیں نین ایہہ نہ ذاتاں پُچھدے
بھاویں عاشقاں تے ڈگن پہاڑ دُکھ دے
ساتھوں چوری دیاں یاریاں نبھائیاں نہیوں جاندیاں
جھوٹھیاں کہانیاں سنائیاں نہیوں جاندیاں
جال حسن دا کھلاریا توں وچ جگ دے
ٹھگے ساریاں نوں جیہڑا‘ واری اوس ٹھگ دے
نظر آویں نہ تے رہویں کول شہہ رگ دے
تینوں دیکھے بناں مورتاں بنائیاں نہیوں جاندیاں
جھوٹھیاں کہانیاں سنائیاں نہیوں جاندیاں
Load/Hide Comments