غزل
شکیل امجد صادق
ویلے اج سامان نہیں دتا
مینوں رج کے کھان نہیں دتا
ہتھیں تھپیا کچا کوٹھا
ماڑے نیں فر ڈھان نہیں دتا
اوہنے گٹھیں من کے دتا
کھپن دے لئی تھان نہیں دتا
میں بھکھاں کٹ لیئاں ساریاں
جھوٹا پر قرآن نہیں دتا
تھل دے اوکھے پینڈے کٹے
سسی اپنا ہان نہیں دتا
ورھیاں پچھوں ملیا سوہنا
اج میں اوہنوں جان نہیں دتا
Users Today : 377
Users Yesterday : 637
Total Users : 727835
Views Today : 1448
Total views : 11605261
Who's Online : 7
