غزل

مجاہداقبال مجاہد

توں وی کسے نال کریں وفا تے پتہ لگے
ہندا پیار اے کیہ بلا تے پتہ لگے
توں کسے تے میرے وانگوں مر مر جاویں
اہ نہ تینوں پاوے گھاء تے پتہ لگے
پیار کرن دے جرم چ تیرا کوئی تینوں
ہجر دی جاوے دے سزا تے پتہ لگے
جس پتھر نوں پوجیں توں وی بتاں وانگوں
بن جاوے اگوں اوہ آپ خدا تے پتہ لگے
راہواں تکیں ہنجو کیریں جد کوئی تینوں
آئون دا جاوے لارا لا تے پتہ لگے
تیرے کولوں کوئی تیرا چپ چپیتے
لنگھ جاوے جے نیویں پا تے پتہ لگے
لہو اپنے نال بالیں جد پیار دے دیوے
چلے نفرت دی تیز ہوا تے پتہ لگے
پل پل جہدے سکھ دیاں توں منگے خیراں
مجاہد کرے اوہ بددعا تے پتہ لگے