غزل
بابا نجمی
تگڑا جو وی کہندا اوہنوں کہن دیو
مٹی گھٹا جویں بہندا بہن دیو
مُل ودھائونا ہور وی اُچے محلاں دا
اپنے آل دوالے جھگیاں رہن دیو
کھیڈن جے تے آئونا ایتھے بالاں نے
کوئی نہ ڈکے میری جھگی ڈھیہن دیو
اس دھرتی دا ظالم جد تک مردا نہیں
مینوں سولی اُتے ٹنگیا رہن دیو
سبق پیا میں دیواں نویاں نسلاں نوں
مینوں جھکھڑاں نال طوفاناں کھیہن دیو
Users Today : 412
Users Yesterday : 542
Total Users : 733476
Views Today : 1391
Total views : 11628349
Who's Online : 2
