غزل
عطاء العزیز
اوہو ای ہویا جس دا میرے دل وچ ڈر سی
قاتل دے نال شہر دے قاضی دا وی گھر سی
بن بیٹھا سی سارے شہر دا مالک جہڑا
سارے شہر وچ پھردا اج کل اوہو در در سی
جس رستے وچ ڈیرہ ہیسی جلاداں دا
اوہدے گھر ول جاندی اوہو اک ڈگر سی
سارے شہر اچ سب توں سچا سوہنا سی اوہ
سارے شہر اچ سب توں لچا جس دا ور سی
ویکھن وچ عطا تے جھلا سائیں لگدا
سب دی لیکن رکھدا پلے خیر خبر سی
Users Today : 80
Users Yesterday : 542
Total Users : 733144
Views Today : 206
Total views : 11627164
Who's Online : 2
