غزل
شارق نظامی
دل وچ پیار رچایا ہویا
اکھ وچ یار سمایا ہویا
رب کرے گھر جاندیاں تیکن
سجن ہووے آیا ہویا
اکو اک سی اپنا بیلی
اوہ وی اج پرایا ہویا
مُڑ اج جی پیا چیتا تیرا
ہک دے وچ دفنایا ہویا
لگے کیہ گل معنے بنے
سوچاں آڈا لایا ہویا
ویکھو ویکھ کے مینوں کیویں
بیٹھا اوہ شرمایا ہویا
جاپدا اے پیا لوکاں وانگوں
شارق وی کملایا ہویا
Users Today : 470
Users Yesterday : 637
Total Users : 727928
Views Today : 1960
Total views : 11605773
Who's Online : 7
