غزل
اکرم شیخ
مٹی دا اک پیکر ویکھاں
ہتھیں اس دے خنجر ویکھاں
سوچاں وچ فضا دے اڈن
جسے کمریاں اندر ویکھاں
خاب سفر وچ ٹردے ٹردے
لہو وچ بھجا منظر ویکھاں
ہر اک اکھ دے پانی اُتے
ٹردا خوف دا لشکر ویکھاں
پانیاں اُتے لکھیا ہویا
لفظ ہواواں اندر ویکھاں
جنگل وچ آبادی دسے
شہراں وچ سمندر ویکھاں
رت دے ننگے سر تے اکرم
تنی ہوا دی چادر ویکھاں
Users Today : 381
Users Yesterday : 637
Total Users : 727839
Views Today : 1496
Total views : 11605309
Who's Online : 4
