غزل
عبدالکریم قدسی
مونہ دا ذائقا کوڑا کوڑا کھیسے ساڈے سکھنے
پھل کیہ فیر بہار نویں دے ساڈے بالاں چکھنے
بھاگاں والی دھرتی دے پت سڑیاں بھاگاں والے
ساری عمر مشقت کردے پھیر بھڑولے سکھنے
گھپ ہنیرے اندر کہڑا ودھ کے دیوے بالے
روشنیاں نوں ترس گئے نیں ایہ اکھیاں دے رکھنے
ساڈے جسم دا ننگ لکاندی دھوڑ مشقت والی
ایتھے اپنے جثے کاہدے سانبھ سنبھال کے رکھنے
لمیاں لمیاں کاراں اندر بیٹھیاں دسن ڈیناں
ننگے پیریں قدسی کاغذ چگدے جسم سلکھنے
Load/Hide Comments