غزل

بیراجی

ڈھڈوں اپنی دھرتی ماں دے ہو جائیے
گھر وچ امن سکوناں دے نال سو جائیے
جمہوری ذہناں نوں چن چن شہراں چوں
پاکستان دی مالا وچ پرو جائیے
عہد کرو ہن دل نال آوندی پیڑھی لئی
حق سچ سبھ دے ویہڑیاں دے وچ بو جائیے
سارے دیس گرائیاں دے تے ساکاں دے
جھوٹھاں دے سبھ کھلے بوہے ڈھو جائیے
آئو ووٹ دے پاروں گند علاقے دا
پنج دریاواں دے پانی نال دھو جائیے
آئو پھوہڑی پائیے فیر غداراں دی
اکمٹھاں نوں کٹھیاں بہہ کے رو جائیے
مان ودھا دیئے پنجاب دا دنیا تے
بنک دے قرضے والے بوہے ڈھو جائیے
گلاں کریئے دین دیاں وی بچیاں لئی
علم دین غازی جہے قصے چھو جائیے
خورے فرق پئے ٹیکے نال واسی نوں
شعر دی تکھی سوئی اک چبھو جائیے
ہر بھانڈے چوں آوے خوشبو پھلاں دی
مٹی ایہو جہی بیراجی گو جائیے