غزل

زاہد صدیقی

جگ نے اک دن کٹھیا بہنا، ویکھ لویں
سورج دھرتی اُتے لہنا ایں ویکھ لویں
حوراں دا ایہ لالی پاپ اے جنا چر
ایہو رنڈی رونا رہنا، ویکھ لویں
شام سویرے ساڈے نال جو کرنا ایں
میں تیرے ای پیٹے پینا، ویکھ لویں
آکڑ کھاں جو ایتھے بن کے پھردے نیں
ایہناں مٹی تھلے پینا ایں ویکھ لویں
آخر ایتھے بھکھے مردے لوکاں نوں
رجیاں نال اے لڑنا پینا، ویکھ لویں
توں جے سارے رب دے بندے سمجھے تے
لوکاں تینوں کافر کہنا، ویکھ لویں