عبدالحمید نظامی
ضامن بن جاون گے تیرے دوئیں جہانیں پاک نعلین
سوہنے نبیۖ نے عزت بخشی پیراں وچ لولاک نعلین
سمے سہانے کر کر چیتے فیر اڈیکاں لا بیٹھے
اج تک یاداں نوریاں نوں چُمے سن افلاک نعلین
طیبہ وچ جد حاضری ہوئی تکیاں مہکاں ہر پاسے
بھری شفاواں وچ مدینے ہر پاسے سی خاک نعلین
بخشاون لئی محشر اندر نعلیناں دے مانیاں نوں
حشر چ لبھدے پھردے ہوسن آقا دے بے باک نعلین
پاک درود نبی تے پڑھ کے جو روگی وی تکے گا
سی دیون گے عاصیاں دے سب جنے پاٹے چاک نعلین
ایہو ناز بڑا نظامی سانوں اپنی قسمت تے
ساڈے دلاں دے اُتے لا کے بیٹھے اپنی دھاک نعلین
Load/Hide Comments