غزل
شکیل امجد صادق
رات، دنے تے نھیرے پانی
وسدے چار چفیرے پانی
ہڑھ نے مار مکایا لوکو
اکھاں نے وی کیرے پانی
چاچے، بابے، بیلی، متر
مارے اج ودھیرے پانی
کہڑا ایہنوں روکے آ کے
گھر، گلی تے ڈیرے پانی
ویکھ وزیرا ویکھ لے آ کے
کجھ نہ چھڈیا تیرے پانی
ساری دھرتی ایہنے گھیری
جھنگ، لیّے تے بھیرے پانی
کدے نہ جو دہلیزاں ٹپیا
امجد اج بنیرے پانی
Users Today : 415
Users Yesterday : 542
Total Users : 733479
Views Today : 1401
Total views : 11628359
Who's Online : 2
