غزل
ارشد منظور
ہوندے بڑے رج کے ایہ کھچ بیلیا
ساہناں والے بھیڑ کولوں بچ بیلیا
ظالماں دے پنڈ چوں نہیں سکھ لبھدا
دکھ سینے نال لا کے نچ بیلیا
چارے پاسے جھوٹھ پنجے گڈ کے
کھڑا دِسدا نہیں کدھرے وی سچ بیلیا
اوتھے کوئی سچا درویش ہووے گا
جھتے لگا ہوندا دھوواں مچ بیلیا
توں پھُلاں پتیاں تے رہیا ٹردا
ساڈے پیراں ہیٹھ شیشے کچ بیلیا
کئیاں نوں ایمانداری کھا جاندی اے
کئیاں نوں حرام جاندا پچ بیلیا
Load/Hide Comments