چھ ستمبر دا دن
نائلہ بٹ
اوہ ظلم ہنیری جھلنی نہیں
سانوں چھ ستمبر بھلنی نہیں
جد دشمن سر آچڑھیا سی
کندھاں ٹپ کے ویڑھے وڑیا سی
جدوں سبق شہیدی پڑھیا سی
سانوں چھ ستمبر بھلنی نہیں
اونہاں غازیاں نعرے مارے سن
جہڑے چن اکھیاں دے تارے سن
ماواں پت وطن توں وارے سن
سانوں چھ ستمبر بھلنی نہیں
اوہ شیر جوان تے کھڑ گئے سی
جان اپنی تلی تے دھر گئے سی
دم عشق وطن دا بھر گئے سی
سانوں چھ ستمبر بھلنی نہیں
جہڑے حق دی گل تے اڑ گئے سن
جہڑے ٹینکاں ہیٹھاں وڑ گئے سن
عرشاں دی پوڑھی چڑھ گئے سن
سانوں چھ ستمبر بھلنی نہیں
جد توپ دے گولے گجے سن
شہید نال کفن دے کجے سن
فیر تمغے سینے سجے سن
سانوں چھ ستمبر بھلنی نہیں
جے لوڑ پئی للکاراں گے
آ سامنے ویکھ پکاراں گے
اک اک نوں چن چن ماراں گے
سانوں چھ ستمبر بھلنی نہیں
اسی وچ میدان دے رولاں گے
نہ دشمن اگے ڈولاں گے
انصاف دی تکڑی تولاں گے
تسی تریخ دا ورقہ تھُل ویکھو
نہ رہوے کسے نوں بھُل ویکھو
قبراں تے کھلرے پھُل ویکھو
اسی چھ ستمبر بھُلنی نہیں
اوہ ظلم ہنیری جھلنی نہیں