غزل

جان کاشمیری

عشق نے پایا وخت اوّلا دَسنا چاہواں دس نئیں سکدا
رونا چاہواں رو نئیں سکدا ہسنا چاہواں ہس نئیں سکدا
جادو ڈنگی چال دے بارے کس نوں آکھاں کسراں آکھاں
رُکنا چاہواں رُک نئیں سکدا نسنا چاہواں نس نئیں سکدا
میرے کولوں جد وی لنگھے لال ہنیری بن کے لنگھے
بچنا چاہواں بچ نئیں سکدا پھسنا چاہواں پھس نئیں سکدا
رُک دی رُکدی شک دی کشتی رُک گئی جا وچکار بھنور دے
ڈِھل جے چاہواں دے نئیں سکدا کَسنا چاہواں کس نئیں سکدا