غزل

استاد دامن

آہمو ساہمنے دو دو ہون گیاں
جیکر حشر دیہاڑے حساب ہویا
کہندے زندگی ربّ دی کرم بخشش
میرے واسطے ایہو عذابِ ہویا
اوہدے وچ کی لہو ہے پین جوگا
جیہدا بھج کے جگر کباب ہویا
کجھ نہ کجھ تاں ہونا چاہیدا اے
کی گناہ ہویا کی ثواب ہویا
تیری جنت اے اودھر، نہیں دل آؤندا
جتھوں پہلوں سی کدے جواب ہویا
خزاں رہے حیاتی دے باغ اندر
کھڑ کے دل نہ کدے گلاب ہویا
دولت خانے دا میرے کی پچھدے ہو
دولت لٹّ گئی خانا خراب ہویا