غزل
علی محمد ملوک
ساہ دا جنگل سک جاون دی واری آ گئی
رُکھ توں پتے مک جان دی واری آ گئی
تیرے سر جے میٹی آ گئی لبھدا رہیں گا!
میری وی جد لک جاون دی واری آ گئی
ہر جانجی نوں جی آیاں نوں کہنا پینا
رسماں دی جنج ڈھک جاون دی واری آ گئی
کناں چر تک لٹ لٹ بلدا تیل دا دیوا
روں دی لاٹ دے پھک جاون دی واری آ گئی
اکھ دی جھیت چوں جہڑے چانن من رشنایا
لگدا اے اوہدے رک جاون دی واری آ گئی
ٹپری واساں وانگ سی ایس ملوک دا ڈیرا
لگدا اے ڈیرا چک جاون دی واری آ گئی
Users Today : 360
Users Yesterday : 626
Total Users : 735268
Views Today : 1800
Total views : 11636402
Who's Online : 3
