مشاعرہ

پیر فقیر ویر سپاہی

اج وی مشاعرہ سی ، کل وی مشاعرہ اے
کوئی دربار سجدے
شعر سخن والیاں دے، ہوندے قدردان تھوڑے
بوہتے نیں بزار سجدے
محفل مشیرا مشیرا، پئے کھیڈ نیں
ادبی کاروبار سجدے
واہ وا جی کیا کہنے، بوہت سوہنا آکھیا جے
داد نال اشعار سجدے
واہ بھئی کیا مصرعہ اے، ہائے ہائے کی بنھیا جے
ترکیباں وار سجدے
شاعر ایہو چاہندے نیں، لمی چوڑی داد ملے
کرے سنسار سجدے
داد تحسین ملے، جھک جھک ملن سارے
ہون بے وقار سجدے
جنھاں تائیں سخن سچا، رب ولوں دان ہویا
اوہناں نوں ہزار سجدے
جہڑے پھڑ تڑ کے تے ڈنگ پئے ٹپاوندے نیں
کردے بیکار سجدے
ادب وی تے اجکل شغل میلہ بن گیا
مے تھیں میخوار سجدے
ادب دیاں محفلاں چ، ادب ناہیں نظر آوندا
روپاں دے شنگار سجدے
چاہ پانی پی کے جانا، یادگار کٹھ ہویا
مونہاں نوں پیار سجدے
بلے بلے بلے بلے، کویں ہووے بلے بلے
بول کے بلار سجدے
شعراں تے کی داد لینی، نرے متشاعراں توں
شاعراں لکھوار سجدے
ویر مشاعرہ وی، ہونا، جدوں شعر ہونے
شعری کردار سجدے