غزل
قیصر محمود گورائیہ
سوچاں دی تصویر الیکن لگا واں
خاباں دی جاگیر الیکن لگا واں
اکھراں دی میں اک اک گُھری پرو کے تے
شعراں دی زنجیر الیکن لگا واں
ہجراں دے کاگت تے دکھ دی پنسل نال
چاء میں لیرولیر الیکن لگا واں
سڑدا بلدا تڑفدا مصرعہ گھڑ کے میں
اکھ چوں ڈِگدا نیر الیکن لگا واں
بُھل کے اج گورائیاں والے متے نوں
لوہے اُتے لکیر الیکن لگا واں
قیصر اِکو لفظ میں ‘وارث’ لکھ کے تے
پورا قصہ ہیر الیکن لگا واں
Users Today : 244
Users Yesterday : 626
Total Users : 735152
Views Today : 1106
Total views : 11635708
Who's Online : 7
