غزل
عقیل شافی
اکھراں وچ اُداسی ہو گئی
شافی غزل پیاسی ہو گئی
غم پہاڑ تے جا چڑھیا تے
ہنجواں دی نکاسی ہو گئی
وعدہ کرکے اوہ نہ آیا
چیتر رُت اداسی ہو گئی
دل دے ویہڑے پھوڑی پئی جد
ہر سدھر بے آسی ہو گئی
دکھاں دے ہٹکورے سہہ سہہ
جند نمانی باسی ہو گئی
ہر گل توں بھرواسا اٹھیا
ہر گل بے وسواسی ہو گئی
علم عروض دا سکھیا شافی
بحراں نال شناسی ہو گئی
Users Today : 137
Users Yesterday : 626
Total Users : 735045
Views Today : 380
Total views : 11634982
Who's Online : 1
